تحدثت الفنانة نيللي كريم، خلال لقائها في برنامج “On The Road” والذي يقدّمه الإعلامي بلال العربي عبر مجموعة قنوات “روتانا” عن الحب في حياتها والمواصفات التي تتمنى وجودها في شريك حياتها المستقبلي، كما أثارت الجدل برأيها في معنى الرجولة، موضحةً أن غالبية الرجال اليوم يخشون تحمل المسؤولية.
وقالت نيللي: “الحب دايماً نعمة، ولكن في حب لناس تستاهل وناس متستاهلش، والرجولة مش مجرد كلمة لازم يكون عند كلمته وراجل مسؤول، وإحنا عايشين في زمن دلوقتي الناس بتخاف من المسؤولية، ومرة كنت بتكلم مع صاحبتي وقالتلي محتاجين نحط في النيل فيتامينات تقوّي الرجولة”.
نيللي كريم تكشف كواليس “هابي بيرث داي” وموقفها من رمضان
وتحدثت نيللي كريم خلال اللقاء عن فيلهما Happy Birthday، قائلةً: “فيلم مهرجان بالنسبة ليا قصة تهم أي حد، وناقشنا عمالة الصغار بجرأة في فيلم “هابي بيرث داي”، وهو فيلم رقيق جداً، واختياراتي بقت جريئة وبقيت عايزة أعمل الحاجة اللي بحبها ونفسي أقدّمها مش مضطرة، الورق مش سهل نلاقي كتابة حلوة، بختار أحسن اللي موجود أو بختار فكرة نفسي أقدّمها”.
وعن مشاركتها في سباق دراما رمضان، قالت إنها معتادة على تقديم مسلسلات الـ 30 حلقة في رمضان، كما أنها لن تكرر تجربة الـ 15 حلقة في الموسم الرمضاني.
وأضافت: “دلوقتي بقى فيه فنانين شباب ومخرجين، ودلوقتي أنا شايفة إن السينما في تقدّم والدراما في تقدّم وبقى فيه تنوع، وأنا متبسطتش بتجربة الـ 15 حلقة في رمضان، حاسة إنهم قليلين على رمضان، لما عملت مسلسلات 30 حلقة كانت مواضيع مهمة والناس بتتفرج”.
واختتمت نيللي كريم بالقول: “شهر رمضان مبيخوفنيش بدليل إني هعمل السنة دي 30 حلقة، أهم حاجة الورق يتكتب بطريقة فيها دراما كافية مش تعبئة وخلاص، ومتفائلة بمسلسلي هيكون اسمه (أنا)”.
شارك
