مازال الفنان محمد إمام يوجّه الرسائل الساخرة لمنافسيه حول موضوع الفنان الأعلى أجرًا في دراما رمضان، حيث كتب رسالتين على حساباته الخاصة بمواقع التواصل الاجتماعي، وجّه الأولى الى جمهوره أكد فيها أنه لم يقصد برسائله عن الأعلى أجراً شخصًا بعينه لكنه قصد بها جميع الفنانين الذين ينافسونه في رمضان، وأنه تربى على يد أكبر نجم في مصر ولذلك فهو لا يضع أحداً في منافسة معه.
وكتب إمام قائلاً: “أنا مش عارف ليه في ناس فهمت إن أنا نزلت بوست لشخص محدد.. أنا عامله ليهم كلهم”.
وتابع إمام: “نتكلم جد شويه.. أنا عمري لا حطيت حد ولا هحط حد في دماغي وده اللي اتعلمته من أبويا ربنا يخليه لينا.. إني أكون ابن أكبر نجم في التاريخ ووصلت للي أنا فيه دلوقتي ده ماكنش سهل أبداً وبحمد ربنا عليه كل يوم.. وده كان بفضل حبكم ودعمكم ليا بعد فضل ربنا سبحانه و تعالى”.
وأضاف إمام: “يعني أنا أصلاً فيا اللي مكفيني وحقيقي بتمنى الخير للجميع.. المنافسة دي بتخلينا نطلع أحسن ما فينا وكل ده في صالح الجمهور العظيم اللي زيكم.. بشكر كل اللي بيحبني.. أنا بحبكم أكتر بكتير وانتوا أهم حاجة في حياتي بعد عيالي الحمدلله.. محمد إمام الكينج”.
محمد إمام لمنافسيه: بطلوا عياط كلكم الأعلى أجرًا
وفي الرسالة الثانية، والتي جاءت بعد الأولى بساعات قليلة، وجّه محمد إمام رسالة ساخرة لمنافسيه قال فيها: “خلاص يا جماعة بطلوا عياط، ماحصلش حاجة، كلكم أعلى أجور وأعلى مشاهدة وأعلى كل حاجة، سيبونا نشتغل في هدوء بقى الله يكرمكم علشان مفيش وقت”.
مسلسل “الكينغ” من المقرر عرضه في الموسم الرمضاني المقبل، وهو من بطولة محمد إمام، ويشاركه البطولة كل من: حنان مطاوع، وعمرو عبد الجليل، وميرنا جميل، وسامي مغاوري، وحجاج عبد العظيم. والمسلسل من تأليف محمد صلاح العزب، وإخراج شيرين عادل.
شارك
