حلّت الفنانة ياسمين غيث، ضيفة على برنامج “ست ستات” الذي تقدمه الإعلامية الكبيرة سناء منصور، حيث تحدثت عن كواليس فترة إصابتها بالسرطان، مشيرة الى أنها كانت فترة صعبة للغاية بالنسبة لها.
قالت ياسمين: “لما حسيت بورم حسيت إن الزمن وقف عندي، ورحت أطمن من دكتورة النساء وعرفت إنه سرطان”.
تابعت: “كان بييجي عليا وقت بقولهم سيبوني أموت أرحم من وجع العلاج والكيماوي، لأن علاج السرطان مميت، وابني كان السبب الرئيسي بعد ربنا اللي خلاني أستحمل وأقوم تاني”.
أضافت: “أخدت خطوات سريعة وذهبت للجراح فأكد لي أني مصابة بالفعل بالسرطان وقال هنعمل عملية دلوقت، فدعوت الله أني أعدي من المحنة دي، وبعد ساعة واحدة دخلت العمليات، وكانت أصعب تجربة في حياتي وأتمنى أن من يمر بهذه التجربة يشفى منها لأنها بالفعل تجربة صعبة قوي”.
إصابة ياسمين غيث بالسرطان
يذكر أن ياسمين غيث عانت فترة طويلة من مرض السرطان، حيث اعتادت على مشاركة جمهورها تطورات حالتها بشكل دائم، حيث كتبت منذ عامين، عبر حسابها بموقع فيسبوك: “يا رب.. اللهم خير لي واختار لي، يا رب نجيني وهونها عليا، واشفيني واشفي كل مريض، خلاص الدكاترة أجمعوا إني لازم هعمل العملية قريب، وهتكون open chest مش منظار، حجم الورم أكبر من إنه يتشال بمنظار”.
ثم أعلنت عن إصابتها مرة أخرى بالسرطان وكشفت عن خضوعها لعملية جراحية لاستئصال ورم في الصدر، تم الكشف عنه بعد فترة من إعلانها تعافيها من مرض السرطان.
ونشرت ياسمين صوراً عدة عبر صفحتها الرسمية في موقع التواصل الاجتماعي “فيسبوك”، وعلّقت عليها قائلةً: “ألم لا يحتمل… في عضمي، في ضلوعي، في أعصابي، والعملية مكانها صعب والفتح في عضم الصدر ألمه مش طبيعي، بس أي إنسان عادي بيحس بالألم ده بطريقة معينة لكن أنا إيه اللي بيحصل معايا؟”.
وأضافت: “بعد العملية، فهمت إن الفتح في نص القفص الصدري والقطع في العضلة والعضم والأعصاب، بيأثر على الذراعين، لأن معظم قوة حركتهم بتكون من عضلة الصدر، وفضلت حوالي أسبوعين مش عارفة أستخدم إدي الاتنين خالص، شوية بشوية مع العلاج الطبيعي بقيت عارفة استخدم الشمال في حاجات بسيطة واليمين برده لأ والألم في ضلوعي ودراعي وكتفي ورقبتي اليمين غير محتمل”.
واختتمت ياسمين بالقول: “الدكاترة قالولي للأسف نصك اليمين بدراعك اليمين هيكون متأثر أكتر بسبب عملية الـbreast cancer القديمة اللي أصلاً سايبة أثر على ذراعك فمعلش مافيش حل غير إنك تستحملي وتاخدي مسكنات للألم وعلاج طبيعي لغاية ما يرجعلك الـ range of motion والإحساس تاني بنسبة كبيرة… الحمد لله على كل حاجة، بس قلت أحكيلكم كدة وده ملخص لتفاصيل كتييييير قوي صدقوني منها إني بيغمى عليا من الوجع وغيره”.
شارك
