حلّ عبد الله مجدي الهواري، نجل الفنانة غادة عادل ضيفاً على برنامج “et بالعربي”، أثناء العرض الخاص لفيلم “فيها إيه يعني”، الذي تقوم والدته ببطولته، حيث كشف تفاصيل جديدة عن انفصال والدته عن والده المخرج مجدي الهواري، إضافة الى حديثه عن خضوع والدته لعملية تجميل، وكيف خسر 60 كيلوغراماً من وزنه.
وقال عبد الله: “ماما وبابا صحاب جداً، وأنا مش حاسس إنهم اتطلقوا، بابا دايماً بييجي يتغدّى ويتعشّى معانا، وبعد ما يخلص تمرينه بيجيلنا، وعمري ما شوفتهم بيتخانقوا لا قبل ولا بعد الطلاق، حتى أنا استغربت وقت الطلاق، وقلت له: فيه إيه يا حج… حد يسيب القمر المزة دي؟”.
وعن خضوع والدته الفنانة غادة عادل لعملية تجميل، قال: “هي عملت عملية تجميل في الوجه من ورايا، هي والدتي مقدرش أقولها حاجة، أنا ماسك شغلها لما بتتعاقد على عمل جديد الناس بيكلموني أنا، لكن برا الشغل دي حياتها الشخصية مقدرش أتدخل فيها”.
وقال عبد الله الهواري إن وزنه كان 160 كيلوغراماً، وتمكن من النزول الى 100 كيلوغرام من خلال اتباع حمية غذائية وممارسة التمارين الرياضية.
غادة عادل ترد على انتقادات ظهور نجلها معها
كانت غادة عادل قد ردّت خلال تكريمها في “مهرجان الغردقة لسينما الشباب”، على انتقادات ظهور نجلها عبدالله معها.
وقالت غادة في تصريحات على هامش التكريم: “عبد الله على طول مش بيسيبني خالص، وبنصوّر كل يوم… كنت تعبانة، وقاللي هاجي معاكي ومش هسيبك لوحدك… هو بيتعاكس طول الوقت، وكله بيقولي لازم يمثّل، لأنه وسيم وبحب أي حد يحبه”. وأضافت: “دايماً بقول اللي يحب ابني، أحبه أكتر، حتى لو مبيحبنيش… ويا ريت يمثّل معايا، وأشارك مع القمر ده”.
شارك
