دخلت الفنانة جيني كامل، طليقة الشاعر أمير طعيمة، على خط أزمة اكتشاف الفنانة لقاء الخميسي زواج زوجها لاعب كرة القدم محمد عبد المنصف من فنانة تُدعى إيمان الزايدي، والتي أعلنت عن طلاقهما في منشور عبر حسابها الخاص في “إنستغرام”، حيث وجّهت إليها عبر حسابها الخاص في “فيسبوك” رسالة دعم ونصيحة، أثارت بها الجدل على مواقع التواصل الاجتماعي.
وكتبت جيني في رسالتها: “نصيحة خاصة للفنانة لقاء الخميسي، حكّمي عقلك يا محترمة يا بنت الأصول بغض النظر إنك كنتي تعلمي أو لا، لو كان عندها بديل ماكنتش وافقت وشوفنا نماذج في حياتنا لا تُعد… فوّتي الفرصة عليها وسيبيها تتشقلب وتعمل أكثر من كده لو على المعرفة عرفنا وفي الآخر لا يصح إلا الصحيح واتطلّقت”.
جيني كامل للقاء الخميسي: “اللي خان يتخان”
وأضافت: “الزوجة الثانية واضحة جداً، سكتت على زواج من راجل متزوج سنين، جايّة النهاردة تعمل بحياتك ترند رخيص، ده غير إنها لو فيها خير ما كانتش من الأول وافقت على زيجة من راجل متزوج وعنده أولاد طوله عشان هتشوفي خساير فيهم أكتر كتير من خراب بيتك، وتاني اللي خان يتخان، ده عدل وقانون ربّ العباد”.
واختتمت جيني كامل رسالتها بالقول: “حاسبيه، انتقمي منه، وخدي حقك زي ما تحبّي في البيت وما تخسّريش عيالك أبداً حياة سوية كانوا عايشينها، وربنا يعوّضك خير في كل حاجة حتى لو اتغدر بيكي، ده كان بيشيل عنك حاجات كتير إنتي مش عرفاها، ربّنا له حكمة في كده، والله أقلها إن عيالك ماشيين على الأرض بخير، وربنا معاكي ويدّيكي السكينة والطمأنينة وراحة القلب، دول أهم كتير من أزمات الدنيا والله”.
شارك
