حل الفنان رامي جمال، ضيفاً على برنامج “أجمد7 الساعة 7″، مع المذيعة جيهان عبد الله، عبر إذاعة نجوم fm. وذلك ضمن احتفاله بصدور ألبومه الجديد “محسبتهاش”.
وتحدث رامي جمال خلال اللقاء عن ألبومه الجديد، كما تطرق الى المنافسة مع الفنان عمرو دياب بعد الجدل الذي أثير حول طرحه ألبومه قبل ثلاثة أيام فقط من طرح الهضبة ألبومه الجديد “ابتدينا”.
قال رامي: “مبدئيا خليني أقول للهضبة مبروك.. مش هقعد أمجد في عمرو دياب لكن بقول إني من الناس اللي بتحبه وبتسمعه.. لا أفكر أبدًا في فكرة المنافسة.. في الآخر عمرو دياب لا ينافس.. عمرو دياب خلاص حفر تاريخ أسطوري.. وعشان تتكلم في موضوع المنافسة دا محتاج 40 أو 50 سنة تنجح فيهم وبعدها الجمهور يقرر”.
تابع: “بس أصلًا أنت مش من جيله عشان تتقارن بيه.. ثانيًا حابب أوضح للجمهور حاجة.. أنا واحد من جمهور عمرو دياب المتعصب.. لأن في جمهور تاني بيحب المزيكا فبيسمع رامي وبيسمع عمرو دياب”.
وأضاف: “أنا طرحت ألبومي يوم 1 يوليو آه كنت متصدر تريند يوتيوب رقم 1 و2 و3.. نزل عمرو دياب بعدها بأربعة أيام خد مني رقم 1 و2 و3 وبقيت أنا 4 و5 و6.. ليا كل الشرف إن اللي خد مني تريند المزيكا باعتبره صاحب الشغلانة دي والأسطورة الحية اللي موجودة في العصر اللي احنا فيه”.
وأردف: “قاعد لما ألبومي نزل وبشوف إنه بياخد المكان اللي أنا أصلًا عيني ممكن توجعني لو مشوفتوش بياخده”.
شارك
