خلال لقائه في برنامج “لانا والنجوم”، المذاع على قناة سكاي نيوز عربية، تحدث الفنان أحمد السقا عن فكرة صراع الأجيال، مؤكدًا فضل الفنان محمد هنيدي على جيله بالكامل، بجانب الحديث عن فيلمه الشهير “إبراهيم الأبيض”.
قال السقا: “مفيش حاجة اسمها صراع الأجيال دي أرزاق، الميديا لازم تعمل صراع علشان يلاقوا حاجة يعملوها، يعني ابني شغال في الميديا هصارع ابني؟، أحمد غزي ده أنا اللي مربيه وأبوه صاحبي هصارع ابن أخويا؟، هصارع مين؟”.
تابع: “لو اتكلمنا على الجيل بتاعنا بدأنا صغيرين أوي، والناس بتعاملنا على إننا موجودين مش كبار في السن، يعني لولا وجود محمد هنيدي مكنش في ولا واحد فينا موجود”.
أحمد السقا: إبراهيم الأبيض فيلم استثنائي
كما تحدث أحمد السقا، عن فيلمه الشهير إبراهيم الأبيض، قائلًا: “مش هعرف ألعب فيلم إبراهيم الأبيض تاني ولا مروان حامد هيعرف يخرجه تاني ولا عباس أبو الحسن هيعرف يكتبه تاني ولا في شركة هتعرف تنتجه، الفيلم ده استثنائي”.
أما عن رأيه في فكرة التريند، فعلق قائلًا: “التريند مستحدث وهيروح، ولو ابني قالي مش عايز يكون نسخة مني هتبسط وأتمنى أنه يبقى أحسن مني”.
وعن الأزمات التي واجهها والهجوم المستمر عليه، قال أحمد السقا: “لما الكل بيهاجمني بسكت”، في إشارة الى أسلوبه الهادئ في التعامل مع الانتقادات، مشددًا على أنه لا يدخل في معارك أو ردود متبادلة.
وحول لقبه المتكرر “بطل الأكشن”، أوضح أنه لا يضع نفسه في هذا التصنيف، قائلًا: “أنا مبشوفش نفسي بطل أكشن، أنا ممثل بقدم أدوار مختلفة”.
آخر أعمال أحمد السقا
يُذكر أنه يعرض حاليًا لأحمد السقا، فيلم “أحمد وأحمد” في دور العرض السينمائي، ويشارك في بطولة العمل بجوار أحمد السقا كل من: أحمد فهمي، غادة عبد الرازق، جيهان الشماشرجي، رشدي الشامي، الى جانب عدد من ضيوف الشرف منهم: طارق لطفي وأوس أوس، وغيرهم من النجوم.
شارك
