كتبت الفنانة الشابة ملك أحمد زاهر عبر خاصية القصص المصوّرة الملحقة بحسابها الخاص في “إنستغرام” منشوراً طمأنت فيه متابعيها على حالتها الصحية التي تتحسّن يوماً بعد يوم، بعد الوعكة التي مرت بها خلال الأيام الماضية.
وقالت ملك في منشورها: “البشرى قريبة فقط ثق في تلك الآية: (وجاءته البشرى)”.
ثم أتبعت ملك المنشور بآخر كتبت فيه: “وليغلبن لطفه شتات أمري وخوفي”، وتلقت على الأثر العديد من تعليقات متابعيها الذين دعوا لها بالشفاء العاجل.
كانت ملك أحمد زاهر قد كشفت عن تفاصيل مرضها الذي حار الأطباء طوال الفترة الماضية في تشخيصه، وكتبت عبر خاصية القصص المصوّرة الملحقة بحسابها الخاص في “إنستغرام” منشوراً كشفت من خلاله تفاصيل المرض ووجّهت رسالة شكر الى جمهورها ومحبيها الذين قلقوا عليها خلال الفترة الأخيرة.
وقالت ملك في منشورها: “أنا واللِه ما كنت متوقعة كل اللي حاصل ده أنا لما حبيت أشارك حالتي الصحية، كنت مخضوضة جداً على نفسي وفكرة إن لا أنا ولا الدكاترة حتى عارفين عندي إيه، كانت رعباني، وكنت محتاجة بس أوصلكم إن حياتي فيها الحلو وفيها الوحش، وقلت في الستوري إن الموضوع مش الغرض منه القلق، وإني مش عايزة حد يقلق عليا أنا كويسة، وكده كده أحسن من غيري”.
وتابعت: “عندي يقين في ربنا لإنه هيقوّمني بالسلامة، وإن شاء الله تبقى حاجة بسيطة بس من خضّتي كتبت مع أن ديه مش طبيعتي إني أشارك الحاجات السلبية عموماً أنا بس مش عارفة أقول إيه ولا إيه من قلبي بشكر كل حد سأل عليا ودعالي واللهِ كله كان بيوصلني، وأنا آسفة لو مردتش على حد وبشكر كل زمايلي وأساتذتي اللي كانوا بيسألوا عليا كل يوم ومسابونيش لحظة وكل صحابي وعيلتي اللي كانوا جمبي”.
وأردفت ملك زاهر بالقول: “أنا الحمد لله بقيت أحسن من الأول وبطّلت أروح المستشفى الحمد لله بحمد ربنا إنها جت على قد كده حتى لو الأيام اللي فاتت كانت صعبة واللي عندي ده حاجة مخيفة شوية، وخضتنا بس برضو أنا كويسة والحمد لله إنها جت على قد كده أكيد ربنا حماني من حاجة أكبر، وأهم حاجة إن عرف السبب بَطل العجب، والحمد لله إننا عرفنا، هي حساسية شديدة في الدم الموضوع critical”.
واختتمت ملك أحمد زاهر منشورها بالقول: “بس أنا مطّمنة إني بخفّ وبتحسن كل يوم الحمد لله والشكر لله ومافيش حاجة خطيرة بإذن الله وأنا آسفة لو كنت قلقتكم بس ده مكانش الغرض أبداً والله، شكراً من كل قلبي على الحب ده أنا عرفت غلاوتي عندكم وعند كل اللي حواليا بشكركم من قلبي”.
شارك
