ردّت الفنانة الشابة أميرة أديب على الانتقادات التي طاولتها خلال الساعات الماضية، بعد انتشار صورة جمعتها مع أحد معجبيها، ومرفقة بتعليق مسيء.
ونشرت أميرة عبر خاصية القصص المصوّرة الملحقة بحسابها الرسمي في “إنستغرام”، توضيحاً مهماً بهذا الشأن، مؤكدةً أن هناك صفحة تنتحل شخصيتها على موقع “فيسبوك”، وأنها لا تملك أي حساب على المنصة، ولم تنشر صورة فيها إساءة إلى واحد من جمهورها.
وقالت أميرة: “الصفحة دي مش صفحتي، وأنا ماعنديش صفحة على الـFacebook، أنا آسفة جداً للولد الجميل اللي اتصوّر معايا… أنا مستحيل أكتب حاجة زي دي، مش أخلاقي ومش أصولي، وبأبقى ممتنة جداً لأي حد بييجي يقول لي كلمة حلوة أو يتصور معايا”، وتابعت: “أرجوكم لو فيه حد يقدر يساعد إن الصفحة دي تتشال هكون شاكرة جداً”.
أميرة أديب تكشف عن تعرّضها للتنمّر
كانت أميرة أديب قد كشفت عن تعرّضها للتنمّر والرفض في عدد من الأدوار بسبب شكل أنفها.
وقالت في تصريحات لبرنامج “الراديو بيضحك ليه”: “أنا الناس بتتنمّر عليا علشان مناخيري، وفيه أدوار كتير مجتليش بسبب الموضوع ده، وكانوا بيقولولي مناخيرك كبيرة… أنا مش عايزة أبداً أخلّي فيه شكل جمالي معين هو اللي يحركني، أو يحرك بنات، وفي شغلي أنا عايزة أحط كل شيء طبيعي في أي حاجة بعملها، سواء حجم شكل أو طول عشان أنا تعرضت لـ ده”.
وأضافت: “فيه شغل وقف لي علشان مناخيري واتقالت لي من مخرجين… وكان عندي حلّين؛ يا أروح أعمل فيلر وأكبَّر شفايفي أو أخلّي الناس تتنمّر عليا شوية، واسمع كلمتين وحشين، بس أخلّي بنت شبهي تحس إن إيه ده عادي تمام”.
واختتمت أميرة أديب حديثها بالقول: “مع أن التعليقات ساعات بتضايقني بس بقول لنفسي ربنا مش بيعمل حاجة غلط، وده مش معناه أن لو بنت بتعمل فيلر دي حاجة وحشة… المهم تبقى سعيدة وممكن في يوم من الأيام أضعف واعمل… المهم إن الواحد يعمل اللي يرضيه”.
شارك
