تستمر خبيرة التجميل مي كمال الدين، طليقة الفنان أحمد مكي، في كشف المستور حول ارتباطهما وسبب انفصالهما، حيث أكدت أن ما دفعها للحديث هذه المرة هو كمية التّهم التي وجّهها البعض إليها، وعدم احترام خصوصيتهما بعد الانفصال.
وقالت مي عبر خاصية القصص المصوّرة الملحقة بحسابها الخاص في “إنستغرام”: “في حديث آية المنافق ثلاث إذا حدث كذب، وإذا عاهد أخلف، وإذا خاصم فجر، والصفات دي مش هتكون فيا لو على موتي، أولاً خصوصية إيه اللي أنا محترمتهاش؟ هل أنا نشرت شيء خاص بیني وبین أحمد، هل أنا خرجت وشتمت أحمد”.
وتابعت: “هل قولت فيه كلمة تعيب فيه زي ما البعض وأغلب الناس والمشاهير تحديداً بيعملوا كده في وقت الخلاف، على فكره الأذيّة سهلة والفضايح سهلة، بس مش من طبعي ولا تربيتي أنا اتقيت ربنا في نفسي وفيه”.
طليقة أحمد مكي: لا تواصل بيننا منذ وفاة والدته
وأضافت: “إيه كمية التهم اللي نازلة ترف عليا وأنا اقتحمت خصوصيته وخالفت العهد، مختصر الكلام فيه حاجة أنا موضحتهاش، أنا مفيش أي تواصل بيني وبين أحمد بعد وفاة والدته إلا بعد شهرين وحصل خلاف كبير جداً خلّى حتى اللي بينا يروح في حتة مكنتش أنا متخيلاها… وقتها رضيت وسكتت واحترمت أزمة وفاة والدته لأن أنا بحبها وبحترمها جداً الله يرحمها طلبت منه يرد جزء من اللي بيحصلي من ناس من طرفه ومكنش فيه أي رد فعل منه اكتشف بعد شهور تحديداً يوم عيد ميلاده فيديو ملهوش أي لازمة إن أحمد له علاقة بحد معين وبعدها فيديو ينزل ليا بصوري وإن أنا عروسة أحمد مكي”.
وأردفت بالقول: “حاولت التواصل وفهم ليه بيحصل كده؟ حاولت أكتب موضوع ونشرت قبل كده والله أنا منفصلة عنه وبرضه المشاكل وقلّة أدب من اللي حواليه مرحمتنيش، ومسدجات خاصة بينا وأمور خاصة بينا اتعرفت عند اللي حواليه معرفش منين أنا اتصدمت جداً… إزاي ودي بيني وبينه هو فقط؟ بعتله إني ساكتة احتراماً لوالدته وأخوه الكبير فقط مش أكتر، ولحد دلوقتي بعمل كده علشان والدته وأخوه فقط فسبب كلامي، وأنا مبحبش أبان ضعيفة أو مكسورة أو أصعب على حد ولا بحب الصعبانيات، فعلاً بحترمه وبقدّر الخير اللي بينا”.
واختتمت مي كمال الدين حديثها بالقول: “مينفعش أنا أو هو مهما كان بينا يتقال كلام أكاذيب زي اللي سمعتها من اللي حواليه، عارفة أنه اتضايق بسبب موضوع السوشيال ميديا بس ليه الهوجة مطلعتش وقت إن اتقال عروسة أحمد مكي، أنا برد جزء كبير من نفسيتي اللي تشوهت وحتى الآن أنا شايلة اسم أبويا الله يرحمه، مش فارقلي حد، هل طلبت حق من أحمد أو يرد لي ربع اللي عملته معاه؟ أحمد نفسه عارف إنه مشفش مني غير كل خير وأنا كذلك هفتكر له الخير في الأصول احتراماً لوالدته الله يرحمها وتقديراً لها”.
شارك
