كشف مطرب المهرجانات مسلم حقيقة الأخبار التي انتشرت على مواقع التواصل الاجتماعي عن رجوعه الى طليقته يارا تامر، بعد تداول صورة لهما، ظهر خلالها وهو يهديها هاتفاً محمولاً، مما دفع متابعيهما لنشر التهاني على عودتهما رغم الخلافات الأسرية التي تمّ تداولها على السوشيال ميديا قبل أيام.
وكتب مسلم عبر خاصية القصص المصوّرة الملحقة بحسابه الخاص في “إنستغرام”، قائلاً: “إيه القرف ده هو بجد الناس بقت مستنية أي ترند وخلاص حتى في البيوت والزواج والطلاق بقى في هزار وترند جبت إمبارح تليفون جديد عادي جداً زي أي بني آدم بيغير تليفونه كل سنة يقوم صاحب الاستور ينزّل فيديو قديم ليا أنا وطليقتي ويعمل إنه هو جديد وإنه أنا بجيب ليها هدية وأنا أصلاً بجيب ليا”.
وأضاف: “أنا متصور بتنين من عنده لأن بنقي بين المساحات واختار واحد بس وأروح ألاقيه عامل ترند على حسابه وإننا رجعنا لبعض وبجد مش مقدر تمن المشاكل اللي ممكن يعملها، بس أنا حبيت أوضح علشان ما بحبش المرض وحب الشهرة وأسلوب مش Professional وعامل الصور بالـai أنا دفعت زي أي إنسان عادي جداً وأنا ويارا مفيش بنا غير كل احترام بجد وشكراً”.
وخرج مغنّي المهرجانات مسلم عن صمته ليكشف تفاصيل مثيرة عن طلاقه ليارا تامر، بعد مضي أربعة أشهر فقط على زواجهما.
مسلم يكشف مفاجآت صادمة في أزمة طلاقه
كان مسلم قد خرج في بث مباشر عبر حسابه الرسمي في “إنستغرام”، ليكشف عن تفاصيل الطلاق، مؤكداً أن السبب وراء الانفصال هو ما وصفه بعدم احترامها له خلال فترة مرضه وغيابه.
وقال مسلم: “ده تأكيد للناس إللي طلعت وقالت إني مطلّقتش، وموضوع طلاقي ملهوش علاقة بأهلي ولا أي حد. أنا طلّقت مراتي لأنها محترمتنيش في غيابي وفي تعبي، وطلعت اتكلمت في حاجات أنا قولت لها متتكلميش فيها. أنا مش واخد أهلي وطلاقي ترند، لأني طول عمري ترند، وفرحي كان ترند، والناس متعاطفة مع يارا من أول المشاكل خالص”.
مسلم يدافع عن يارا ويهاجم أهله
رغم تصريحاته، شدّد مسلم على أن زوجته السابقة كانت إنسانة محترمة وقدّمت له الكثير، قائلاً: “يارا كانت محترمة جداً معايا، وعمرها ما قصّرت في حاجة، إنسانة على أكمل وجه، خدماني في كل حاجة، وكانت بتساعدني في حياتي الشخصية”.
وأضاف: “لكن لسوء حظي أهلي مكنوش جنبي زيادة عن اللزوم، ولا كانوا حنيّنين عليَّ. وأنا عندي 15 سنة سبت البيت وعشت حياتي لوحدي؛ لأن إخواتي كانوا بيمدّوا إيديهم عليَّ لما يشوفوني كويس في حاجة، ويتلمّوا عليَّ ويضربوني وكرّهوني في حياتي. كنت بتضرب وبيتقلل مني وبتهان، وأمي مكنتش بتعرف تتكلم لأن أبويا كان ميت”.
وأكد مسلم أنه تعب كثيراً حتى وصل الى النجاح، لكن عائلته لم ترَ فيه سوى “الفلوس”، موضحاً: “أنا من الناس إللي شقيت جامد، وبعد ما نجحت هُمّه مشفوش مسلم غير فلوس وبس. من أول المشاكل وأنا مبتكلّمش، لكن تعبت من كتر الضغط والكلام إللي زي الزفت بتاعهم”.
وكشف مسلم تفاصيل جديدة عن استغلال أشقائه له، قائلاً: “مصدر رزقي كان الحفلات، ولما وقف ده الدنيا مبقتش أفضل حاجة معايا. إخواتي كانوا بييجوا معايا الشغل يطلبوا حاجات بنص الفلوس إللي بشتغل بيها، وأما أعمل أي مشروع ياخذوا أصحابهم ويطلبوا حاجات ببلاش. ده غير الفضائح إللي بيعملوها ليَّ. ولو ورّيتكم الإسكرينات قد إيه بعثت لأختي فلوس، بس لولا العيبة مش هعمل كده”.
شارك
