نشرت المذيعة يارا أحمد على حسابها الخاص بـ”إنستغرام” برومو لقائها مع النجمة ريهام عبد الغفور في برنامجها “بعد البعاد” المذاع على مواقع التواصل الاجتماعي المختلفة، والمقرر له غداً الخميس، حيث كشفت عن كيفية تخطيها وفاة والدها أشرف عبد الغفور وتصويرها مسلسل “كتالوج”.
ظهرت ريهام في البرومو وهي تقول: “حسيت إني كبرت أوي وحاسة إني مش عارفة أعمل أي حاجة”. وتابعت: “طول ما أنا بصور كتالوج أنا بعاني أنا مش عارفة اشتغل خالص، أنا دلوقتي ممتنة لربنا إن المسلسل عجب الناس وأنا ساعاتها كنت حاسة إن مش عارفة أعمل أي حاجة”.
ريهام عبد الغفور: لم أستوعب في البداية كيف سأتخطى رحيل والدي
وأضافت ريهام: “فكرة التخطي دي طلعت بالنسبة لي مش مستوعباها أو مش فاهماها أصلًا، وكأن حد كسرني نصين بصراحة وأنا حواليا ناس فقدوا ناس قريبين بس كان الموضوع أسهل”.
واستكملت: “متعلقة بيه جدًا وهو شخص عرف يسيب أثر على الناس اللي زي أولاده، حتى أبويا الله يرحمه مكنش بيبتسم كان يضحك تحسي إنه جايلنا من هناك من الجنة يعني”.
واختتمت كلامها قائلة: “كل يوم في لحظة بتبقى صعبة مش مسألة الجنازة والعزا دي طبعا بتبقى إحساس مرعب وفظيع بس هو الحقيقة إنه كل يوم في لحظة صعبة”.
تفاصيل مسلسل “كتالوج”
تدور أحداث المسلسل حول قصة رجل يجد نفسه فجأة مسؤولًا عن تربية طفليه بعد وفاة زوجته ليواجه العديد من المشكلات والتحديات، وهو من بطولة محمد فراج وريهام عبد الغفور وسماح أنور وتارا عماد وصدقي صخر وخالد كمال ودنيا سامي من تأليف أيمن وتار وإخراج خالد الحلفاوي.
شارك
