انضمت الفنانة المعتزلة حلا شيحة إلى الفنانات مايا دياب وبسمة بوسيل، في الدفاع عن الفنانة دينا الشربيني، على إثر ورود اسمها في أزمة انفصال الفنان كريم محمود عبد العزيز وزوجته آن الرفاعي.
وكتبت حلا تعليقا طويلاً على صورة نشرتها للشربيني في “إنستغرام”، جاء فيه: “الجميلة دينا الشربيني… أعرفها من سنين طويلة، وأشهد أنها من أطيب وأرقّ القلوب. روح مرحة، خفّة دم، وجدعنة.. صديقة قريبة، ونيّتها دائمًا طيبة مع الناس”.
وتابعت حلا: “رسالتي للناس اللي بتهاجمها: للأسف، العتب مش بس على اللي بيصدق الإشاعات.. العتب الأكبر على بعض الإعلاميين اللي فقدوا المهنية، وبقوا ينشروا كلامًا غير موثوق وغير صحيح.. والناس تسمع وتنقل وتزود من عندها!”.
حلا شيحة: دينا الشربيني ليست “خرابة بيوت”
وتابعت ححلا منشورها قائلة: “أولًا وبوضوح: دينا مش “خرابة بيوت” ولا عمرها كانت كده.. الزواج والطلاق قسمة ونصيب، ومحدّش بيخطف حد من حد.. وأنا أعرف دينا كويس.. وأعرف إنها ما تعملش حاجة من اللي بيتقال ظلمًا.. المشكلة إن السوشيال ميديا بقت ساحة مفتوحة للإشاعات، والتجريح، والخوض في الأعراض.. وكأن الكلام ما بقاش له حرمة ولا أثر.. مع إن الكلام المؤذي ممكن يكسّر قلوب ويظلم ناس بريئة ويتسبب في أذى كبير.
واستكملت حلا: “وربنا أمرنا إننا نمسك لسانا، وما نخوضش في سمعة حد.. لأن دي من أخطر الذنوب، وإحنا كلنا هنقف قدام ربنا ونتحاسب على كل كلمة قلناها أو نقلناها”.
حلا شيحة تدعم لدينا الشربيني
ووجهت حلا شيحة رسالة الى دينا الشربيني دعمتها فيها وقدمت لها نصيحة، حيث قالت: “ولحبيبتي دينا..
سيبي كل ده وراكِ.. إنتِ إنسانة جميلة من جوه وبرّه، وقلبك طيب ونيّتك بيضا، وما يستاهليش تتأذي من كلام جاهل لا يعرف حقيقتك.. ربنا يكرمك بالخير اللي قلبك يستحقه”.
وتابعت: “ولكل من خاض في عرضها.. اتقوا الله.. الكلمة أمانة، وظلم الناس مش لعب. وكل واحد هيتحاسب أمام رب العالمين على اللي قاله واللي نشره واللي شارك في إيذاء إنسانة بريئة…”.
شارك
