يستمر الإعلامي محمود سعد في الكشف عن تفاصيل حالة الفنانة أنغام الصحية، خلال تواجدها في أحد المستشفيات المتخصّصة لإجراء جراحة في البنكرياس في مدينة ميونخ بألمانيا.
وخرج سعد في بث مباشر جديد، عبر حسابه الخاص في موقع “فيسبوك”، قال فيه: “في قصتي مع أنغام دي معلومات أنا باخدها من أنغام مش الدكتور بتاعها، يا إما أنغام يا مديرة أعمالها، وبيكون جنبها أنغام وبسمعها بتقول آه، الأخبار مفيش مجال إنها تكون تأليف، واللي حصل كالآتي”.
وأضاف: “في البداية عملت عملية دخلوا أنبوب من الفم وشالوا جزء من الكيس على البنكرياس، قالوا ليها هنتابع لو مفيش تغير تروحي بلدك ولو في تغير نشيله والكيس على البنكرياس بعد يومين من العملية كبر وقالوا نشيله ونشيل جزء من البنكرياس، ومن 15 يوم عملت العملية ومفيش جرح في جسم أنغام”.
محمود سعد: أنغام غادرت العناية المركزة بعد أن خفّت آلامها
وتابع محمود سعد في البث المباشر: “عملوا 3 فتحات لدخول أجهزة معينة ومنها منظار لمدة ثلاث ساعات ونصف، حصل مضاعفات للعملية متوقعة والبنكرياس كان بيطلّع حاجة وتعاملوا بحرفية والألم تراجع ومرجعتش تاني للعناية المركزة، ومن وقت العملية بتاكل طبيعي، وإحنا في انتظار الإفراج عن أنغام من ميونخ والأزمة عدّت وأنغام في حالة من الانسجام بسبب الحب الكبير اللي شافته من جمهورها، ولما ترجع مصر هي هتحكي ليكم بنفسها”.
شارك
