قال السقا خلال إحدى ندواته الصحافية: “سبحان مبدل القلوب، وارد جدًا تبقى قاعد مع فلان وتاني يوم ميبقاش موجود، لكن أنا ومها متخانقناش ولا شتمنا بعض ولا مدينا إيدينا على بعض”.
تابع: “أنا لن أقبل عليها أي كلمة، ولما حد بييجي يكلمني عليها بقوله أسكت عشان مخيطش بوقك.. لأن دي أم أولادي ومش هسمح حد يجيب سيرتها بحاجة”.
وأردف السقا: “البلاغات اللي حصلت تخص شخص مش هنزل لمستواه، ولو نزلت لمستواه أكيد ربنا هيكون أرحم عليه مني فأنا مش هشتبك”.
كما أكد السقا أنه عانى نفسيا وجسديًا بسبب تلك الأزمة، وقال: “الموضوع طبعا أثّر عليا جدا في البداية، قعدت 26 يوم مش عارف أكل ولا أبلع ووزني نزل جدًا، طبعا كنت مضايق.. أصل هتسد بُق 120 مليون إزاي وبعدين اللي حصل حصل وأنا برا مصر ومش موجود”.
وأضاف قائلا: “ولغاية قبل القصة دي ما تحصل اضطريت أتعلم كل حاجة ليها علاقة بالسوشيال ميديا.
أحمد السقا: كريم عبد العزيز لم يتدخل للصلح
وأكد أحمد السقا أن الفنان كريم عبد العزيز لم يتدخل للصلح كما أُشيع، وقال: “كريم عبد العزيز متدخلش للصلح بيني وبين مها الصغير ولا أي حد تدخل في ده، ومش صحيح الكلام اللي اتقال واللي نشره عارف هو بيعمل إيه”.
كما كشف عن رأيه في اعتزال محمد سامي الإخراج، وكواليس العلاقة التي تربطهما على المستوى المهني والشخصي، وقال: “محمد سامي مخرج عظيم وصانع دراما عظيم، وإحنا على تواصل دائمًا ودلوقتي بيطور نفسه، ودائمًا هو سابق كل الناس اللي معاه بخطوات كثيرة”.
شارك
