أحدثت النجمة لقاء الخميسي ضجة كبيرة، في أول تعليق لها بعد الضجة الذي رافقت حياتها الزوجية بعد الكشف عن ارتباط زوجها حارس مرمى الزمالك السابق محمد عبد المنصف بسيدة أخرى وبشكل سري لأكثر من 7 سنوات.
وشاركت النجمة المصريه متابعيها على انستغرام بمقطع فيديو يضمّ مجموعة من صورها مع زوجها وابنيها من مناسبات وأماكن مختلفة، وأرفقتها بتعليق كشفت من خلاله موقفها وردها على خيانة زوجها لها مع الفنانة إيمان الزيدي، وكتبت في رسالتها “الدنيا تختيرنا دائماً وأبدا، أيام بتسعدنا وأيام بتبعدنا وتزعلنا وتجرحنا، وبنتوه مع نفسنا، الحكمة بتظهر من قلب الحزن، وبنقعد نفكر إيه الصح وإيه الغلط وهل اللي عدينا بيه شر ولا خير؟ ومع الوقت ولما النفس تهدى والعقل يفكر والقلب يدق، بنكتشف إن كلنا بنغلط وبنتوه شوية في وسط الزحمة، في ناس بتغلط وتكمل في الغلط ! وفي ناس بتغلط ويترجع لحكمتها ويتندم وتصحح الخطأ”.
وأضافت: “خطائين وخير الخطائين التوابين، ما فيش حد ما بيغلطش، بس القوي الحقيقي بيعترف بالغلط وبيرجع لصوابه، ربنا فتحلنا باب المغفرة والسماح، شكرا من قلبي لكل إنسان دعمني ووقف جنبي وطبطب عليا، وشكرا لكل أصدقائي المقربين اللي وفقوا جنبي وكل من دعمني من أصدقاء السوشيال ميديا اللي نوروا حياتي بالمحبة وطبطب على قلبي ودعالي دعوة حلوة”.
رسالة من لقاء الخميسي الى السيدات
واختتمت رسالتها المؤثرة بالقول: “آخر حاجة هقولها، أسهل حاجة في الدنيا هدم البيوت العمرانة وأقوى حاجة في الدنيا إننا نحافظ على حياتنا ونحارب على بيوتنا وأولادنا بالحب والسلام، كلنا بنغلط، وبنندم ونرجع لصوابنا.. ونرجع ببداية جديدة مليانة شغف وحب وسلام وراحة بال. لكل ست وربة منزل حافظي على بيتك وعيلتك بكل قواكي وأوعي تدي الفرصة لأي إنسان إنه يهدم بيت العيلة”.
شارك
