كشف الفنان شريف الدسوقي، في مقطع فيديو نشره عبر حسابه الرسمي على “فيسبوك”، حقيقة الاتهامات التي وجهت للفنانة بدرية طلبة خلال الأيام الماضية، بأنها السبب في عملية بتر قدمه التي أجراها منذ خمس سنوات.
وقال الدسوقي: “لاحظت في الأيام اللي فاتت إن فيه اتهام لأختي وعشرة عمري بدرية طلبة، إنها كانت السبب في عملية بتر رجلي، وأنا طالع علشان أقول وأشهد أمام الله، الناس اللي استغلت لقائي مع الإعلامي أحمد الخطيب وأنا بقول معاه إن بدرية كانت السبب في إني أعمل عملية البتر لأني كنت رافض”.
وتابع: “لعبت معايا لعبة نفسية كان المفروض يعملها الدكتور، لأني كنت رافض، بعد ما الدكتور قالها إن مفيش حل غير البتر، وخوفًا عليَّ علشان مصلحتي عملت كده”.
وأكمل حديثه قائلاً: “أنا عايز أقول بكل أمانة وإدراك، إني كنت في الفترة دي عندي حالة نفسية سيئة، ويشهد الدكاترة على ده، ومكنتش عايز أعمل العملية، الوحيدة اللي أقنعتني بكل هدوء؛ كانت بدرية طلبة، خوفًا على حياتي، اتقوا الله، إزاي تحوَّروا الكلام، وهي السبب إني أنزل أشتغل تاني”.
واستطرد: “العملية مر عليها خمس سنين، وبدرية طلبة إنسانة فوق الوصف، سابت شغلها وقعدت جنبي في إسكندرية، وكانت بتصور حاجات مهمة وقتها، اتقوا الله وشيروا الفيديو؛ دفاعًا عنها”.
جاء دفاع شريف الدسوقي عن بدرية طلبة بعد قرار نقابة المهن التمثيلية برئاسة الفنان أشرف زكي إحالتها الى مجلس تأديب، بعد اتهامها بالإساءة للشعب المصري في فيديوهاتها عبر مواقع التواصل الاجتماعي.
تكريم شريف الدسوقي من المركز الكاثوليكي
كان المركز الكاثوليكي للسينما قد كرّم الفنان شريف الدسوقي خلال الدورة 73 من المهرجان حيث تم منحه جائزة الأب يوسف مظلوم للتميز، وذلك عن مشواره الفني كواحد من مبدعي المسرح والتليفزيون.
شارك
